Nottingham Forest don confirm say former Tottenham Hotspur manager Ange Postecoglou don sign two-year deal as new head coach.
Di 60-year-old dey replace Nuno Espirito Santo, wey Forest sack after serious fallout with club owner Evangelos Marinakis.
Forest fans still dey divided on di decision, but Marinakis no waste time – na Greek blood trust Greek blood. Postecoglou no get job since June when Spurs fire am, just 15 days after e carry Europa League trophy beat Manchester United 1-0 – Spurs first major silverware in 17 years.
Postecoglou vs Arsenal: Record No Sweet
First assignment for di Greek-Australian go be heavy – away game against Mikel Arteta Arsenal for Emirates on Saturday. But history no dey Postecoglou side: in four previous North London derbies, he no win any – draw one, lose three.
- Sept 2023: 2-2 draw – Son Heung-min brace save Spurs.
- Apr 2024: Arsenal win 3-2 for Tottenham Stadium – late scare but Gunners still collect full points.
- Sept 2024: Arsenal edge 1-0 – Gabriel header seal am.
- Jan 2025: Arsenal come back from 1-0 down win 2-1 for Emirates.
Meaning: Postecoglou still dey find first-ever win against Arsenal. Forest fans go dey pray say e fit finally break jinx on Saturday.
Form Guide: Forest vs Arsenal
Forest don start Premier League with mixed results: one win, one draw, one loss (4 points). Dem beat Brentford 3-1, draw 1-1 with Crystal Palace, then collapse 3-0 to West Ham – Nuno last game in charge.
Arsenal on di other hand get 6 points from 3 games. Dem beat Man United 1-0 at Old Trafford, destroy Leeds 5-0 (new boy Viktor Gyokeres score twice), but then Liverpool humble dem 1-0 at Anfield before international break.
TPB Verdict
Postecoglou appointment na bold gamble – Forest dey Europe, pressure dey high, and hin first test na one of di hardest in di league. Arsenal record against am dey scary, but sometimes na underdog dey spoil script. If Ange fit get result for Emirates, e fit win plenty doubting fans over sharp-sharp.
