Real Madrid don dey build confidence say dem fit sign Liverpool defender Ibrahima Konate for summer of 2026.
We remember say Trent Alexander-Arnold shock plenty fans when e choose move go Madrid last summer, after e allow him Liverpool contract expire. E even give Reds small £10m compensation make dem release am early so e go fit play Club World Cup.
Liverpool bin dey vex say dem no fit cash out better money for one of Europe best full-backs. Now, dem no wan make the same gbege repeat itself with Konate.
Real Madrid don set eye for Konate
Report dey yarn say Real Madrid don mark Konate as one of dem top transfer targets for 2026. Daily Mail even talk say dem dey confident say Konate go join dem once him contract finish next summer. Word dey say dem don already dey close to verbal agreement, but Konate never fully decide him future.
Liverpool on their own dey still push for fresh contract extension wey go lock am down and kill all Madrid speculations.
Why Los Blancos need Konate?
Real Madrid don already spend £50m last summer to sign Spain defender Dean Huijsen make dem balance central defense. But dem still go need more backup, because David Alaba contract go finish next year and e fit comot. Same with Antonio Rudiger if him no sign new deal.
Konate fit come join Huijsen as the main centre-back pairing, even though Eder Militao dey the mix. If Madrid fit pull am through, Konate go fit be strong replacement wey go last them for years.
