Gianluigi Donnarumma don finally land him Premier League debut for Manchester City inside today’s 197th Manchester derby against rivals Manchester United for Etihad Stadium.
The Italian shot-stopper join City from PSG deadline day, and him go become the eighth City player wey go make him PL debut inside a derby – plus only the third goalkeeper after Andreas Isaksson (2006) and Claudio Bravo (2016).
Manchester City Lineup – Donnarumma In, Foden Return
Donnarumma replace James Trafford and na one of five changes wey Pep Guardiola don make after their 2-1 loss to Brighton. Other names wey don enter na: Josko Gvardiol, Nico O’Reilly, Phil Foden and Jeremy Doku.
With Rayan Ait-Nouri, Omar Marmoush and Rayan Cherki sidelined, O’Reilly go slot in at left-back, join Gvardiol, Ruben Dias and Khusanov for back. Midfield dey pack with captain Bernardo Silva, Rodri and new boy Tijjani Reijnders. Foden dey start him first game of the season on the right, Doku dey left, and machine Erling Haaland dey lead line afta scoring five goals for Norway during international break.
Manchester United Lineup – Sesko, Mazraoui, Ugarte All Start
For United, Ruben Amorim make four changes from the Burnley win. The headline? Benjamin Sesko dey start him full Premier League debut, join Amad Diallo and Bryan Mbeumo for attack.
Noussair Mazraoui and Manuel Ugarte dey also collect first league starts of the season – Mazraoui go operate for right wing-back while Ugarte partner captain Bruno Fernandes for midfield. Patrick Dorgu dey back for left flank, as Leny Yoro, De Ligt and Luke Shaw dey hold backline.
In goal, Amorim stick to Alay Bayindir – meaning deadline signing Senne Lammers dey bench alongside Casemiro, Mainoo, Maguire and Zirkzee. No show for injured Mount, Cunha, Dalot and Lisandro Martinez.
Confirmed Starting Lineups
Manchester City XI: Donnarumma; Khusanov, Dias, Gvardiol, O’Reilly; Bernardo, Rodri, Reijnders; Foden, Haaland, Doku
Subs: Trafford, Ake, Nico, Savinho, Nunes, Bobb, Mukasa, Lewis, Mfuni
Manchester United XI: Bayindir; Yoro, De Ligt, Shaw; Mazraoui, Ugarte, Fernandes, Dorgu; Amad, Mbeumo; Sesko
Subs: Heaton, Lammens, Fredricson, Heaven, Leon, Maguire, Casemiro, Mainoo, Zirkzee
Live Updates
We go dey drop minute-by-minute gist as the Manchester derby dey unfold. Stay locked in!
GOAL! Man City 1-0 Man Utd (Phil Foden, 18mins)
Manchester City don draw first blood for the derby! Jeremy Doku dance enter United box, him try cross two times, the second one click. Ball land for Phil Foden head, and the boy guide am straight into the far corner. Etihad scatter, Foden rush go celebrate with the fans. 1-0 City!
