Bayern Munich sporting director Christoph Freund don talk say Harry Kane fit even extend him stay for Germany beyond the current contract wey dey expire for 2027 — despite all the gist wey link am go back to Tottenham Hotspur.
Kane don start this new 2025/26 season like madman, with 18 goals and 3 assists inside just 10 games. Some people don even dey shout say the Englishman don turn early favourite for Ballon d’Or this year — and e no even be exaggeration, the guy dey too hot.
Freund yarn for Sky Germany say: “Both us and Harry Kane’s camp fit easily imagine continuing together beyond the current contract. Harry dey very comfortable for Munich — that’s why we hope say he go remain for plenty more years.”
Even though talk dey about Tottenham wanting am back, and Manchester United also dey peep am, the 32-year-old striker look settled for Germany for now.
Why E Go Make Sense If Kane Stay For Bundesliga
Since Kane land for Bayern Munich, life for Bundesliga don smooth like butter for am. The guy even don set record as the fastest player to score 100 goals for one club across Europe’s top five leagues — in just 104 matches. Crazy numbers.
If he continue like this, he go surely cement him name for Bayern history books — proper legend status. Plus, if he follow Vincent Kompany project till e mature, Champions League trophies fit come steady. Bayern always dey among favourites, and Kane go dey lead that charge.
Remember say last season Bundesliga title na the first silverware of Kane entire career. If he dey serious about stacking medals before retirement, remaining for Bayern no be bad idea at all. Germany dey work for am — simple.
Why E Fit Make Sense If Kane Return England
But make we talk truth — Kane still get unfinished business for Premier League. The guy currently sit as second-highest goal scorer in Premier League history with 213 goals, na only Alan Shearer (260 goals) dey ahead of am.
From record, Kane don score at least 21 league goals for eight of the last 11 seasons, and 25+ goals for six out of 10 seasons. If he ever return England, breaking Shearer record go almost be sure bet. That one alone fit seal am as Premier League GOAT striker.
If Tottenham under one solid manager like Thomas Frank fit build strong enough to challenge for trophy by the time Kane contract go expire, returning home fit sweet well. Lifting Premier League or any big cup with Spurs go be the perfect “story closure” for the man wey give them everything.
TPB Verdict
Whether Kane stay for Germany or return England, one thing sure — him legacy don already solid. But make we no lie — Bayern life dey too easy for am. Trophies sure, goals sure, comfort sure. Tottenham return fit touch emotion, but Bayern na where the glory dey.
