Arsenal don complete £5 million move to sign Chelsea goalkeeper Kepa Arrizabalaga as dem sharply trigger hin release clause wey dey hin contract.
The same Kepa wey Chelsea use £71.8 million carry from Athletic Club for 2018 (record fee that year), don now waka go Arsenal for just £5M. Omo, e be like person wey buy iPhone for 1.2M and sell am later for 70k.
Last season, Kepa no even dey Stamford Bridge. E spend am for loan with Real Madrid, before that na Bournemouth e go. Now, e go come back London, but na Emirates direction e dey head this time.
✍️ E don sign 3-year contract with Arsenal and go compete with David Raya for that No.1 spot.
Neto wey been dey do stand-in for Arsenal don return Bournemouth, so Kepa go fill that shoe now.
Kepa Talk Say:
“I really happy say I dey here. I dey excited and I dey look forward to wetin dey come.
The ambition wey I see for this club, the kind way Mikel Arteta and coach Inaki show me their hunger to win… e make me believe say we dey close to something big.
Hopefully, all of us go achieve am together.”
Translation: Oga just talk say Arsenal dey hungry to win, and e wan follow chop that glory too
Arsenal Sporting Director, Andrea Berta Talk Say:
“We dey very excited to welcome Kepa to our Arsenal family.
The guy get serious experience. E don win trophies. E sabi wetin e dey do.
And e dey come with that ‘I must win’ mindset. We dey look forward make e meet players and staff. E go blend well.”
Arteta sef no calm:
“We dey very happy say Kepa dey join us. We don face am before so we know say e get level.
E go bring experience, and the hunger to win dey there. E go boost our levels.
Plus, e know some of hin teammates already so e go fit blend sharp-sharp.”
⚽ Summary Gist:
Kepa → Arsenal for £5M From £71.8M world-record buy to just £5M… Chelsea fans dey feel am. Last season → loan to Real Madrid 35 starts for Bournemouth Go now compete with David Raya for No.1.
Kepa don tell Chelsea bye bye.
Zubimendi and Norgaard fit follow enter Arsenal soon.