Wetin person no go hear for football pitch again? For Sweden in 2016, one baller land serious wahala after referee send am commot for match — no be for tackle or foul o, but because e fart!
As E Happen: Fart Wey Scatter Match
Na for local league match between Järna SK reserve team and Pershagen SK the kasala burst. Adam Lindin Ljungkvist, wey dey play left-back, yarn say e just release small gas because belle dey disturb am. But na so the referee blow whistle, flash am second yellow, then red card join!
“I get bad stomach, so I just release am,” – na wetin Adam tell Swedish paper Länstidningen Södertälje.
“Then referee show me two yellow cards and red. I shock! I ask am, ‘So I no fit fart small?’ E say ‘No’.”
Referee No Smile at All
The referee, one man wey him name be Dany Kako, no even laugh put. Him reason na say the fart no be mistake — e believe say Adam do am on purpose to provoke people.
“I perceive say na deliberate provocation,” – Ref Kako talk. “The thing no appropriate. That’s why I give am yellow card.”
Opposition Player Yarn Him Side
Even the striker from the other team, Kristoffer Linde, no fit believe wetin him see — or smell.
“I stand far from am, but I hear the fart loud and clear,” Linde talk. “I don play football since I be 8, but I never see this kind thing before.”
Adam Still No Gree
Adam still vex small sha. E talk say the whole thing na big joke. Him even try form theory for why the ref think say e provoke am.
“Maybe the ref think say I fart for hand and throw am give am,” Adam talk. “But I no do anything like that.”
“To provoke person with fart no even make sense — I just fart and get red card.”
“Later I tell the ref say him be buffoon, but no be insult. I just dey annoyed.”
No Be First Time for the Ref
Referee Kako even mention say na no be today e don see players dey misbehave with body matter.
“One time, player come stand pee for one corner of the pitch. I show am yellow card too.”
Wetin We Learn from This?
This one na clear sign say anything — even fart — fit lead to red card if ref believe say na wahala you dey find. Football rules dey vague for this kind matter, so na the referee discretion dey apply.
For the player, na stomach gas. For the referee, na disrespect. For TPB fans — na pure Shey You Sabi gist!