AC Milan don reportedly mark Caleb Okoli as one player wey fit land San Siro before transfer window go close.
The 24-year-old waka come King Power Stadium from Atalanta BC last summer as Leicester wan build team wey go fit stay for Premier League.
But Okoli no too get chance last season, as e play only 19 matches for Premier League before Leicester still drop go Championship.
From day one wey e land England, people don dey link am with return go Italy, and di gist never stop.
This new season, Okoli don play three Championship games for Leicester, including di 1-0 win against Charlton Athletic on Saturday.
AC Milan Ready to Carry Okoli?
According to Calciomercato report, AC Milan dey seriously look Okoli as last-minute signing before transfer market shut down September 1st.
Di report talk say Milan like di player and dem get correct relationship with im camp, wey fit make di deal easy run.
No be only Okoli dey list, Milan dey also consider Al Ahli defender Merih Demiral to add ginger for their backline.
Leicester Defence Don Dey Light
Leicester don dey lose plenty first-choice defenders dis summer. James Justin don already waka go Leeds United.
Another player wey fit comot na Victor Kristiansen, as Nottingham Forest dey chase am to balance their squad before Europa League campaign.
Okoli sef fit follow join di list of players wey dey plan exit, as Bilal El Khannous don also dey linked with move away from King Power Stadium.