Bayern Munich don reportedly make decision on one of their transfer targets — Ibrahima Konate.
The 26-year-old defender get contract for Anfield till season end, and even though Liverpool don drop better offer for table, Konate never still decide wetin him wan do.
Konate don dey strongly linked with Real Madrid, where e for reunite with him former teammate Trent Alexander-Arnold.
But Real Madrid don reportedly tell Liverpool say dem don pull out from the chase — dem no go pursue Konate again for 2026.
Bayern Munich Don Talk Their Mind?
Earlier this month, reports yarn say Bayern don dey talk with Konate people about possible move.
The same wahala wey Liverpool dey face — na wetin Bayern dey face too. Dem never fit settle contract matter with their star defender Dayot Upamecano.
Upamecano don ball mad for Vincent Kompany this season, and Bayern dey desperate to keep am beyond summer.
During the last international break, Upamecano even hint say him agent dey run talks with Bayern to find the best way forward.
According to Christian Falk, if Upamecano signs new deal, Bayern no go pursue Konate again — even if the Liverpool man turn free agent.
Blow for Konate — Advantage for Liverpool?
With Madrid commot body and Bayern fit also waka, Konate now get big decision to make about him future.
This one still give Liverpool small upper hand for negotiations, especially as Konate form don drop badly this season and e still get plenty to prove.
Regardless of how the matter take end, the Reds suppose sign new centre-back by January. Marc Guehi fit be one option.
