Liverpool reportedly dey struggle to reach agreement with Crystal Palace for deal wey go carry Marc Guehi come Anfield.
The England international na one of the most highly-rated centre-backs for Premier League, but im don enter the final year of im contract for Palace, and e fit dey available for around £40m this summer.
Last year, Newcastle United try submit multiple offers for Guehi but Palace reject am. Dis time, Palace dey open to sell if dem see the correct price, because if dem hold am till next year, dem fit lose am on free transfer once im contract expire.
According to Sky Sports News, talks between Liverpool and Palace never click yet. The Reds no wan overpay for the defender because of im contract situation. Reports still add say Guehi go feature for Palace in their Conference League playoff first leg against Norwegian side Fredrikstad on Thursday night.
Liverpool ‘Struggling to Reach Agreement’ Over Guehi Deal
Guehi don start the 2025-26 season strong. Na him help Palace beat Liverpool for the Community Shield, and later play vital role as Palace draw against Chelsea for their Premier League opener. The 25-year-old fit still start for England when the 2026 World Cup reach.
Since he join Palace, Guehi don play 157 matches for all competitions, score eight goals and register four assists. Liverpool dey see am as priority target, but dem no go allow themselves pay pass wetin make sense, even if e mean say dem fit lose out on the defender.
According to BBC Sport, Guehi relationship with Palace manager Oliver Glasner still dey intact despite the transfer talks. But Palace know say their star defender fit still waka before the window close.
Shey Eze, Wharton Go Leave Palace Before Transfer Window Close?
Palace sef dey face the possibility say dem go lose Eberechi Eze before transfer window shut. Tottenham Hotspur dey ready to splash between £55m and £60m to carry am go North London.
If the deal happen, Palace go lose arguably their most important player – big blow for the club at this stage of the season.
Meanwhile, talk still dey about Adam Wharton. Both Manchester United and Real Madrid reportedly dey eye am, but sources talk say e no too likely make Wharton waka before window end. Still, Palace dey risk losing key men, and that one fit shake their season balance well well.