Three Manchester United players reportedly dey ready to waka if Ruben Amorim remain head coach for Old Trafford this month, according to reports.
The Red Devils confirm on Monday say Amorim don comot as head coach, ending him 14-month turbulent spell. His emotional and erratic behaviour, plus insistence on his favoured 3-4-3 formation, make the club lose faith for him leadership.
After Man United 1-1 draw with Leeds, Amorim yan say he want be “manager, not coach” and directors plus scouting department must do their own work.
Mainoo, Zirkzee, Ugarte Dem Wan Comot If Amorim Dey
Daily Mail report claim say Kobbie Mainoo, Joshua Zirkzee and Manuel Ugarte dey “desperate” to leave Man United this month if Amorim never get sack. Mainoo never dey key for Amorim 3-4-3 system, and him never start single Premier League game this season.
I’m Rumour talk say Serie A champions Napoli dey eye Mainoo, but Amorim exit fit give him chance for more first-team minutes under new boss.
Zirkzee also dey linked with Italy, with Roma reportedly interested, but now he fit decide to fight for his spot at Old Trafford. Same story dey for Ugarte, wey only get six Premier League starts this season, but still get more than three years left on him contract.
Meanwhile, Amorim exit fit also affect Marcus Rashford future at Man United, as Barcelona loanee decision over permanent stay never finalised yet.
