Kylian Mbappe don reportedly tell Real Madrid board make dem target him France teammate Michael Olise from Bayern Munich.
According to reports, Mbappe believe say Olise go be the perfect man to boost Los Blancos attack, especially for the right wing.
Olise first shine for Crystal Palace where he score 16 goals and deliver 25 assists in 90 matches before Bayern sign am summer 2024.
Since e land Allianz Arena, e don hammer 24 goals plus 23 assists in just 59 games – including 4 goals from 4 matches to start the 2025/26 season.
Mbappe Push Madrid For Move
Report from Defensa Central yarn say Mbappe dey push Madrid board to consider Olise because he fit solve the wahala wey dem get for right attack. Both players score for France 2-0 win against Ukraine last Friday, and Mbappe believe say Olise fit blow at Bernabeu.
But for now, Real Madrid no dey actively plan any move, even though Rodrygo future still dey shaky as big Premier League clubs like Man City, Arsenal and Tottenham dey monitor am.
If Rodrygo waka in 2026, door fit open for Madrid to table bid for Olise, wey Transfermarkt rate around £87m.
Olise Fit Be Good Signing?
No doubt, Olise na baller wey get quality to shine for Real Madrid. But Bayern go no gree let am go easy because of the importance wey e dey carry for dem squad.
With players like Jude Bellingham still to return from injury and Franco Mastantuono already impressing, Madrid go likely cool down small before dem make any serious attempt.
— TPB dey watch whether Mbappe pressure go fit push Madrid to chase Olise in future.
