Thomas Frank don confirm say Tottenham Hotspur forward Mohammed Kudus dey “touch and go” to play against Manchester United on Saturday.
Spurs don bounce back to winning ways after dem lose two matches back-to-back, as dem knack Copenhagen 4-0 for home during di Champions League. Now dem go wan continue di momentum and grab another three points for Premier League.
But di North London club never win any of their last three Premier League home games — dem lose two out of di three. Still, Frank go get small boost as some key players don return to training.
Before di game, Frank talk say Kudus availability for di lunchtime kickoff with Man Utd still dey under check. “Kudus na touch-and-go for tomorrow – we go see. Cuti (Romero) and Dest (Udogie) respond well after small time out, so dem fit and available,” Frank talk as Sky Sports report am.
Kudus Injury Fit Affect Spurs
Kudus join Spurs from West Ham United during di summer transfer window for around £55m, and e don blend well inside Frank system. Di Ghana international don score one goal and provide five assists in 15 appearances.
He miss Tuesday Champions League win against Copenhagen because of small knock wey he pick up. Brennan Johnson start for right flank in him place, and e fit still start again if Kudus no recover before di United match.
Spurs Injury Update Before United Clash
Frank don also confirm say Dominic Solanke dey target return after di November international break. Di striker never start any game this season and don only make three substitute appearances because of ankle injury. But di coach talk say e dey close to return.
Other players like Radu Dragusin, Dejan Kulusevski, and James Maddison still dey for long-term injury list, and dem no go return soon.
Meanwhile, Lucas Bergvall go also miss di Man Utd game after he suffer concussion for di 1-0 defeat against Chelsea.
Na The Pidgin Blog go dey bring you every fresh tori as e dey happen — this page go dey LIVE and we go update am regularly.
